موضوع: طريقه عمل وحده سهله وبسيطه السبت فبراير 14, 2009 7:39 am
- نعمل سلسلة من 8 غرز ونقفلها - نحشى الدائرة 24 عمود بلفة
دى الوحدة اللى فى المجلة ودى الوحدة اللى عملتها - نعمل 8 غرز سلسلة ونقفلها - نملأ الدائرة ب 24 عمود - نعمل سلسلة ب 11 غرزة - نملا السلسلة ب 13 عمود بلفة يعنى فى كل غرزة عمودين ونسيب فى الاخر 3 غرز - نسيب عمود فى الدائرة ونعمل عمود فوق العمود اللى بعده فى الدائرة - نعمل سلسلة من 11 غرزة
نكمل .............. - نقلب الشغل ونعد 7 عواميد نسيبهم ونعمل فى سابع عمود وغرزة عمود وغرزة لحد ما يكونوا 4 عواميد بينهم غرزة
- نعمل 4 غرز سلسلة ونقلب الشغل - نعمل 4 عواميد فوق الاربعة السابقين بينهم غرزة
- نملأ السلسلة ب 13 عمود حتى النهاية ونعمل عمود بعد عمود فى الدايرة نسبيه
- نكرر الخطوات من اول نعمل سلسلة من 7 غرز ونعمل بدءأ من العمود السابع 4 عمواميد بينهم غرزة ونعمل 4 غرز ونقلب الشغل ونعمل 4 عواميد بينهم غرزة ونملأ السلسلة ب 13 عمود
- نكرر الخطوات السابقة حتى النهاية
نكمل ......... - فى اخر ورقة نشبك بغرزة منزلقة فى اول عمود عملناه وبدل ما نعمل سلسلة من 7 غرز نمشى على 7 عواميد بغرزة منزلقة يعنى 7 غرز منزلقة حتى العمود السابع
- فى اخر الغرزة السابعة نعمل سلسلة ونشبكها فى اخر عمود فى الورقة اللى فوقها بغرزة منزلقة ونقلب الشغل ونعمل 4 عواميد بينهم غرزة
- نقلب الشغل ونعمل 4 عواميد فوق 4 عواميد بينهم غرزة ونقفل بمنزلقة فى الورقة اللى فوقها
- لعمل الحرف نعمل عند كل بروز 3 غرز بيكو يعنة 3 غرز سلسلة وغرزة حشو فى اسفلهم حتى النهاية ودى الوحدة فى النهاية
ممكن تنفع مفرش صغير او مع تشبيكها تبقى مفرش كبير او ممكن عمل بلوزة منها